Archives: Activities

E flott Spill, fir trotz Distanzen am Schoulhaff ze spillen. Respektéiert w.e.g d’Hygiènes-Virschrëften, wat d’Benotze vu Bäll (an Änlechem) ugeet.

Wat fir ee Kand léisst sech schonn net gäre vun engem Päerd an der Kutsch nozéien? Mee et muss awer gutt zesummegeschafft ginn an de Kutscher muss dobäi e puer Aufgaben erfëllen …

Nom éischten Dëppe-Mölkki hei nach e puer weider Iddien.

De Ben proposéiert dir hei e flott Spill, wat sou wuel ka ganz kuerz oder och méi laang gespillt ginn. Et ass e Sammelspill, wou d’Kanner sollen zu verschidde Virgabe Formen, Faarwen, Konsistenzen,… sichen. Als Erweiderung kann ee vereenzelt Saachen thematiséieren a verdéiwen.

Gläichgewiicht, Kreativitéit, Geschécklechkeet, jo souguer akrobatesch Fäegkeete si bei dëse Koordinatiounsaufgabe vun de Kanner gefrot!

Bei dëse Spiller hopsen d’Kanner flénk am Sak, fuere séier Schubbkar a probéieren, flénk dem Pendel auszewäichen. Vill Freed dobäi!

D’Seel dréint an dréint – wie kritt et hin, zum richtegen Zäitpunkt ze sprangen, fir datt d’Seel en net beréiert?

Ob elo an enger klassescher Koordinatiounsleeder, enger aus Kräid oder soss engem Parcours (z. B. op Plättercher), et ass ganz vill denkbar, wann een d’Kanner wëll mat koordinative Sprang- oder Lafaufgabe beschäftegen. Hei just e puer Ureegungen, sidd selwer mat de Kanner zesumme kreativ!

De Yannick weist dir e flott Fänkspill, wou et vill Varianten dovu ginn. Nieft dem Numm ruffen, kann d’Fliedermaus och zwee Mol an d’Hänn klappen an de Päiperlek muss mat eemol Klappen äntweren. Fir d’Distanz kënnen anzehalen, kann d’Fliedermaus mat enger Schaumstoff-Spaghetti oder enger Méckebaatsch fänken. Dir fale bestëmmt nach weider cool Saachen an!

Falls dir Lafrieder, Trottinetten oder kleng Vëloen zur Verfügung sollt hunn, hei e puer Iddien, fir Beweegungsaufgaben ze stellen a Parcoursen opzeriichten.

Mat engem Seel kann ee vill méi maachen, wéi just „normal“ Seelsprangen! An dësem Video entdeckt Dir ganz vill aner Iddien, vun deene verschiddener och gutt fir déi méi kleng Kanner passen.

Eng weider flott an einfach Aktivitéit, mat där ee seng Treffsécherheet verbessere kann a sech mat anere Kanner spilleresch moosse kann!

Eng Uleedung, fir Hütten entweder eenzel oder als kleng Gruppen ze bauen. Kläert mat Ärem Fierschter of, wou a mat wéi engen Äscht Dir dës Hütte mat de Kanner kënnt bauen.

D’Marina an de Yannick weisen dir flott an einfach Matmaachspiller, déi och mat Berécksiichtegung vun de Sécherheets-Consignen ëmzesetze sinn. Vill Spaass beim Nomaachen!

Den Tim erkläert dir e klengt, einfacht Spill fir an der Paus oder mol tëschenduerch wa bëssen Zäit ass. Pass d’Spill den aktuelle Consignen un. Vill Spaass beim Ausprobéieren!

D’Kanner behaapten, op engem Been hopse wier „pippi liicht”!? Ma da solle se dat mol bei dësem Spill beweisen, well wann ee beim Sprangen präzis an der „Hüpfschnecke“ hire Felder muss bleiwen an dann um Enn och nach ee Stee mam anere Fouss weiderzedrécken huet, da si vill Sprongkraaft, Gläichgewiicht, Koordinatioun a Geschéck gefrot. Ameséiert … Continued

Darts mat Zilscheif aus Kräid um Buedem a Reefer an der Luucht treffen – zwee flott Worfspiller, déi dir mat wéineg Material dobaussen organiséieren a spille kënnt.

Ee Klassiker mol anescht!

Moies méi séier waakreg gi mat klenge Beweegungsaufgaben!

D’Hopsspiller „Hexendanz“ an „Op Zack!“ stinn haut um „Spill-Menü“ vun de Spiller wéi fréier. Vill Spaass!

Hëppelhaischen: Sicht iech Kräid, e Steen a lass geet et!

E Verstoppches-Spill mat Méiglechkeeten, op eng spilleresch Aart a Weis d’Natur (z.B. Faarwen, Déieren, asw.) ze thematiséieren.

E musikalescht Beweegungsspill, fir den Ausdrock an d’Rhythmik ze fërderen. Loosst de Kanner hirer Kreativitéit fräie Laf a maacht aktiv mat! Dat hëlt de Kanner d’Angscht an d’Schimmt, sech selwer goenzeloossen. 😉

Witzegt Beweegungs-Root-Spill fir all Alter. Denkt drun, eng grouss Plaz oder e grousse Raum dofir auszewielen.

Eng Aufgab, déi méi schwéier ass ewéi se ausgesäit, wann een d’Hänn net däerf benotzen …

Eng flott an einfach naturpedagogesch Aktivitéit, wou all Kand seng „Liblingsplaz“ (z.B. am Bësch) ka festhalen. Maacht vun all Kand eng Foto a senger Rumm, dat ass eng schéin Erënnerung.

Faarweg Fësch bastelen a se duerno mat Geschécklechkeet a Prezisioun fänken – wien ass dee beschte Fëscher? P.S.: Wann dir keng Magnéiter organiséiert kritt, da kënnt dir är Fësch och mat engem Locher duerchlächeren a se mat engem Krop un der Aangel fänken.

Gedold a Geschécklechkeet braucht dir, fir dës Tricken ze léieren! Bréngt dir se fäerdeg!?

Eng einfach Iddi, fir de Kanner eng Virlag ze bidden, fir an enger Sprooch eng kleng Geschicht ze erfannen an ze zielen, ze molen oder nidderzeschreiwen.

Sech wäit aus der Fënster leeën an da kënnt näischt no!? Ma dat geet bei dësem Ballspill, bei deem d’Sechselweraschätzekënnen den A an O ass, sécher net, well da verléiert dir garantéiert! Huelt iech jiddereen ee Ball a lass geet et …

Spillerescht Sich-Spill fir bannen oder baussen. De Grupp kann sou opgedeelt ginn, dass ofwiesselend déi eng verstoppen an déi aner siche ginn.

Blanner féieren ouni kierperleche Kontakt a just mat der Sprooch ka schonn eng grouss Erausfuerderung sinn! Iwwerleet Iech, wéi eng Variant fir Är Kanner passt a sicht Iech den „Terrain“ gutt no de Geforen an der Iwwersiicht aus! Als Hëllefsmëttel kann z.B. eng Ficelle oder e Seel iwwert de Parcours gespaant sinn, wou si musse … Continued

Kazen, Hënn, Giraffen, Elefanten, Flamingoen, Päerd, Ieselen, Huesen, Fräschen, Inten, Kéi – beim Déierenimitéieren sinn de Kanner hirer Fantasie keng Grenze gesat!

Flott, kleng Beweegungsaufgaben, fir nozemaachen, nodeems d’Kanner am Haff mat Kräid gemoolt hunn!

De Spillprinzip bleift dee selwechte wéi beim Hëppelhaischen 1, zousätzlech gëtt awer gerechent a Musek mat agebaut.

Genau dat, wat d’Iwwerschrëft scho verréit! 😉 Probéiert et aus, eventuell och mat ënnerschiddlechen Hëlzer. Vläicht falen iech an de Kanner jo nach aner Instrumenter an, déi een am Bësch ka bauen!

Kennt dir de Gummitwist nach? An dësem Video gesitt dir eng Rei vu koordinative Beweegungsaufgaben, déi dir zesummen an der Grupp maache kënnt.

Eng kreativ Aktivitéit fir dobaussen. Gestalt är alldeeglech Weeër faarweg, fir se nach méi attraktiv ze maachen.

Wie kritt et bei dëser Aufgab hin, opzestoen, ouni seng Hänn als Hëllef ze benotzen?